من دير عنّايا المشهور شربل ضوّى سراج النور
والبيعة بكل المعمور بتصلي وبتتمنى
يا شربل صلّي عنّا              

يا راهب عَ هالتلة بمحبستك عم بتصلّي
ومن قلب الفادي تملي محبة وطهر وتتهنى
يا شربل صلّي عنّا  
           
وهالأرض اللي حبيتا فلحتا، زرعتا وساويتا
ومن دم قلبك رويتا ترابا عم تتغنى
يا شربل صلّي عنّا    
       
إنسان كامل خي الكل مجبول محبّة عالحل
خلينا نحنا والكل بالأخوِّي نتكنّا
يا شربل صلّي عنّا  
            
قدّيس كلّك لألله حيرت الدنية كلّا
عن أرضك لا تتخلّى يا قدّيس لمن عنّا
يا شربل صلّي عنّا  
           
لبنان هالأرزة الخضرا عندو شربل والعدرا
يا شربل منك نظرة علبنان وطمِّنا
يا شربل صلّي عنّا